فتحة العدسه,الايزو ,سرعه الغالق ,التعريض

السلام عليكم ورحمه الله وبركاته 
كيفكم يااحلى اعضاء 
مالكم بالطويله 
اليوم بشرح لكم من الصفر 
طلاسم الكاميرا عند البعض وهي (فتحة العدسه,الايزو ,سرعه الغالق ,التعريض, )


فتحة العدسة 
أهم شيء بالعدسة لأنها تحدد أقصى كمية للضوء ممكن أن تدخل للصورة مما يعطيك أفضلية بتصوير الأشياء المتحركة 
رقم كبير = فتحة عدسة صغيرة+ وضوح ومابوش عزل بالصوره 
رقم صغير = فتحة عدسة كبير + كثره عزل بالصوره 
زي تسذا 




مثال لفتة عدسة واسعه لو تلاحطون بالصوره ان العزل كثير عشان كذا الي يبي يعزل لازم يختارفتحة عدسه واسعه رقم صغير

مثال لفتحة عدسه ضيقه


الصوره به شوي عزل بس مالقيت صوره مابه عزل كثير غير ذي 
وبالاخير هو مثال 

شفتو كيف العزل قليل لان فتحة العدسه ضيقه رقم كبير 

و كل ما كبرت فتحة العدسة ، إرتفع سعر العدسة

الايزو 

إعدادات الآيزو أو سرعة الآيزو
تصير غالباً من مضاعفات الإثنين .. 
مثال
ISO 50, ISO 100, ISO 200 …

طبعا كل ماقل الايزو زادة صفاوه الصوره ودقته وتسذا يعني 
وكل ماكثرة من الايزو كل مازاد النوويز والتشويش و التحبب بالصوره وصارة الدقه وعه وكخا 
وترا الزيادة في الايزو تساعد في الإضاءة بس انه تسبب التشويش عشان كذا غالبيه المصورين يلجؤن الى مصددر اضاءه 


صوره لقيمه ايزو منخفض قيمته بالصوره 100


ووهذي صوره لقيمه ايزو عالي قيمته بالصوره 2500

سرعة الغالق 
الغالق هو البوابة التي تفتح و تسمح بدخول الضوء لحساس الكاميرا من خلال العدسة

فمثلاً لو قلنا أن سرعة الغالق هي 5 ثواني
يعني أن الغالق سيبقى مفتوحاً لمدة 5 ثواني يدخل خلالها الضوء للحساس
و لو قلنا ان سرعة الغالق 1/200
يعني أن الغالق سيبقى مفتوحاً لمدة 200 جزء من الثانية فقط
مثال لسرعه غالق سريعه 



ومثال لسرعه غالق بطيئه 




كانو ودي اصور لكم سرعه غالق بطيئه بمكان افضل من البزبوز حق حوشنا 
بس الجود من الموجود 

التعريض الزائد: 
وعادة ما يتسبب في ذلك وجود خطأ في إعدادات الكاميرا أو أخذ قراءة التعريض من مكان غير صحيح ضمن الكادر، وربما التقاط الصورة من زاوية غير مناسبة وعدم الأخذ بعين الاعتبار مصدر الإضاءة ، لمعالجة هذه المشكلة فأنت تحتاج إلى تقليل كمية الضوءْ الداخلة عبر تصغير فتحة العدسة أو زيادة سرعة الغالق للتقليل من فترة تعرض الحساس للضوء.
اذا صورت صوره ولاحظت ان اغلب الصوره موب واضححه لانه اغلب الصوره بيضـــــــــا معناته يصير عندنا تعريض زاائد باختصار يصير كميه الضوء الي دخل بالكاميرا كثير اكثر ممن احتياج الكاميرا 
الحين نجي لاسباب التعريض الزائد عند الكاميرا 
1 انك ماعرفت تضبط الاعدادات صحيح يعني اخطات بالعدادات الصحيحه
2 لتقاط الصورة من زاوية موب مناسبة وعدم الأخذ بعين الاعتبار مصدر الإضاءة 
طيب كيف اعالج هالمشكله 
تصغير فتة العدسه يعني نحطه 16 واصغر بعد وزياده سرعه الفالق الشتر 300 عشان يقل البياض التعريض الزائد
اذكر اول ماشريت الكاميرا اغلبيه المصورين ينصحون بوضع M يقولون اول شي ماتعرفله بعدين راح تبدع به 
عاد انا قلت خن اجرب وضعM ورحنا لللبر وكل صوري يطلعن بيض ياحسافه الطلعه
وكل ماصور تطلع الصوره بيضا اذكر هالطلعه ذيك جان احباط ودي بس اروح للبيت عشان اسال واشوف وش مشكلة هالبياض الي بالصوره وقعدة اوسوس لايصير كاميرتي خربة من التراب وتسذا وصاركله من التعريض الزائد

مثال لتعريض زائد 
هالصوره ذي من نفس روحة البر

التعريض المنخفض: 
تصير الصوره اغلبيته اسود لان كميه الضوء الي دخل بالكاميرا شووي يعني ماكفاه عشان تسذا صارت اغلبية الصوره سودا
طيب كيف نعالج هالمشكله 
التقليل من سرعه الشتر او زياده فتحة العدسه 
مثال لتعريض منخفض

وعشان تسذا غالبيه المصورين لازم عندهم فلاشات استديو 

وهذي صوره من نتائج فلاشات استديو


او فلاشات خارجيه 
هذا زي الي عندي


وهذي صوره من نتائج الفلاش 


او يستخدمون اضاءة الشمس مافيه احلى منه 

وهذي صوره من اضاءة شمس


ان شاءالله تستفيدون من هالشرح 
وتراي كنت محتاره مدري وش اشرح لكم قلت خن اشرح اهم شي بالتصوير 
واي احد عنده استفسار انا موجوده 
واي احد يبي اسوي ورشه معينه 
انا حاظر اذا اقدر